|
|
| அவுஸ்ரேலிய கடற்பரப்பில் மீட்புப் பணிகள் தொடர்கிறது - 3 சடலங்கள் மட்டும் மீட்பு |
| [ வெள்ளிக்கிழமை, 22 யூன் 2012, 01:35 GMT ] [ கார்வண்ணன் ] |
 கிறிஸ்மஸ் தீவுக்கு அப்பால் கடலில் மூழ்கிய அகதிகள் படகில் இருந்தவர்களைத் தேடும் பணிகள் தொடர்ந்து இடம்பெற்று வருகின்றன.
உயிர் தப்பியோரை மீட்க இன்னமும் வாய்ப்புகள் உள்ளதாக அவுஸ்ரேலிய அதிகாரிகள் இன்றுகாலை கூறியுள்ளனர்.
இதுவரை 13 வயதுச் சிறுவன் உள்ளிட்ட 110 பேர் உயிருடன் மீட்கப்பட்டுள்ளனர்.
அதேவேளை, கிறிஸ்மஸ் தீவில் இருந்து 200 கி.மீ தொலைவில் உள்ள கடல் பகுதியில் 3 பேரின் சடலங்கள் மீட்கப்பட்டுள்ளன.
இதுதொடர்பாக இன்றுகாலை தகவல் வெளியிட்ட அவுஸ்ரேலிய உள்துறை அமைச்சர் ஜாசன் கிளேர்,
“விபத்து நடந்த கடல்நீரின் வெப்பநிலை 29 டிகிரியாக உள்ளது.
கடலில் அலைகள் தீவிரமாக இல்லை. அரை மீற்றர் தொடக்கம் 1.25 மீற்றர் வரையே அலைகள் எழுகின்றன.
உயிர்காப்பு அங்கியுடன் அல்லது ஏதேனும் மிதக்கும் பொருளின் உதவியுடன் 36 மணிநேரம் வரையில் இந்த சூழ்நிலையில் உயிர்வாழ முடியும்.
எனவே, மேலும் பலரைக் காப்பாற்றுவதற்கு சாத்தியங்கள் உள்ளன.
மேலும் பல உயிர்களைக் காப்பாற்ற நாம் முயற்சிக்கிறோம்.
மூழ்கிய படகின் மீது இருந்த 40 பேர் மீட்கப்பட்டனர்.
ஏனையவர்கள் கடலில் அடித்துச் செல்லப்பட்டு படகு மூழ்கிய இடத்தில் இருந்து 3 கடல்மைல் தொலைவில் மீட்கப்பட்டுள்ளனர்.
மீடபுப்பணிகளுக்கு இந்தோனேசியாவும் உதவுகிறது.
இந்தத் தேடுதல் அவுஸ்ரேலியக் கடற்படைக் கப்பல்கள், விமானங்கள் மற்றும் 4 வணிகக் கப்பல்கள் ஈடுபடுத்தப்பட்டுள்ளன.
அவுஸ்ரேலியக் கடற்படைக் கப்பல் மீட்ட 110 பேரில் பலர் காயமடைந்துள்ளனர்.
இவர்கள் கிறிஸ்மஸ்தீவுக்கு கொண்டு செல்லப்பட்டுள்ளனர்.
விபத்துக் குறித்து அறிந்ததும் அவுஸ்ரேலிய விமானப்படை விமானம் ஒன்று நேற்றுமாலை 5 மணியளவில் சம்பவ இடத்துக்குச் சென்று கடலில் தத்தளித்துக் கொண்டிருந்தவர்களுக்கு உயிர்காப்பு அங்கிகளை வீசியது.
குறுகிய நேரத்தில் 4 வணிக கப்பல்களும், 2 கடற்படைக் கப்பல்களும் அந்த இடத்தை அடைந்தன.
நேற்றிரவு மேலதிக விமானங்கள் உதவிக்கு அனுப்பி வைக்கப்பட்டுள்ளன.
மிகவும் விசாலமான கடற்பரப்பில் தேடுதல்களை நடத்த வேண்டியுள்ளது.
கிழக்குத் திமோருக்கு அப்பால் இன்னொரு படகு மூழ்கியதாக வெளியான தகவல் தவறானது.
அந்தப் பகுதியில் நடத்தப்பட்ட தேடுதல்களில் இது உறுதியாகியுள்ளது. அங்கு தேடுதல்கள் நிறுத்தப்பட்டு விட்டன.“ என்று தெரிவித்துள்ளார்.
அதேவேளை, இந்த விபத்தில் 90 பேர் உயிரிழந்திருக்கலாம் அல்லது காணாமற் போயிருக்கலாம் என்று அவுஸ்ரேலிய அதிகாரிகள் தகவல் வெளியிட்டுள்ளனர்.
அதேவேளை, கவிழ்ந்த படகு இன்னமும் மிதந்து கொண்டிருப்பதை காணமுடிவதாக தேடுதலில் ஈடுபட்டுள்ள விமானங்களின் விமானிகள் இன்று காலை தகவல் அனுப்பியுள்ளனர்.
இதற்கிடையே, கடலில் மூழ்கிய அகதிகள் படகு தொடர்பாக கன்பரா மற்றும் ஜகார்த்தாவில் உள்ள சிறிலங்கா தூதரகங்கள் உன்னிப்பாக கண்காணித்து வருவதாக சிறிலங்கா வெளிவிவகார அமைச்சு கூறியுள்ளது.
பிந்திய செய்தி
கிறிஸ்மஸ் தீவுக்கு அருகே நேற்று மூழ்கிய அகதிகள் படகு சிறிலங்காவில் இருந்த புறப்படவில்லை என்று சற்று முன்னர் உறுதிப்படுத்தப்பட்டுள்ளது.
உயிருடன் மீட்கப்பட்டவர்கள் கிறிஸ்மஸ்தீவுக்கு கொண்டு வரப்பட்டதை அடுத்து இந்தப் படகு இந்தோனேசியாவில் இருந்து புறப்பட்டது தெரியவந்துள்ளது.
முன்னதாக இந்தப் படகு சிறிலங்காவில் இருந்து புறப்பட்டிருக்கலாம் என்று அவுஸ்ரேலிய அதிகாரிகள் தகவல் வெளியிட்டிருந்தனர்.
அத்துடன் இந்தப் படகில் சிறிலங்காவைச் சேர்ந்தவர்கள் பயணம் செய்ததாகவும் தகவல் இல்லை.
ஆப்கானிஸ்தான், ஈராக், ஈரான் நாட்டவர்களே இதில் பயணம் செய்துள்ளனர் என்றும் பிந்திய தகவல்கள் தெரிவிக்கின்றன. |
|
|
நான்கு ஆண்டுகளுக்கு முன்னர் போரில் தமிழ்ப் புலிகள் அழிக்கப்பட்டதன் பின்னர், சிறிலங்காவானது தென்னாசியாவின் வலுமிக்க பொருளாதார நாடாக வளரும் என எதிர்பார்க்கப்பட்டது. ஆனால், சிறிலங்காவின் பொருளாதாரமானது நெருக்கடிகளுக்கு முகங்கொடுத்துள்ளது. [
நீதிக்குப் புறம்பான படுகொலைகள் தொடர்பான விவகாரங்களுக்கான ஐ.நாவின் சிறப்புப் பிரதிநிதி கிறிஸ்ரொவ் ஹெய்ன்ஸ் கொழும்பு வருவதற்கு விருப்பம் வெளியிட்டுள்ள போதிலும், சிறிலங்கா அரசாங்கம் இதுவரை அதற்கு அனுமதி வழங்கவில்லை என்று தகவல்கள் தெரிவிக்கின்றன. [
இந்தியப் பெருங்கடல் பகுதியில் சீன நீர்மூழ்கிகளின் ஊடுருவல்கள் அதிகரித்துள்ள நிலையில், நீர்மூழ்கி எதிர்ப்புப் போர்முறை ஆற்றலைக் கொண்ட நெடுந்தொலைவுக் கடல்சார் கண்காணிப்பு போர் விமானத்தை அரக்கோணம் கடற்படைத் தளத்தில் இந்தியா நிறுத்தியுள்ளது. [
பொதுவாக, வென்றவர்கள் தன்னடக்கத்துடனும் பெருந்தன்மையுடனும் நடந்துகொள்வதுதான் போர் மரபு. ஆனால், உலகின் மௌனமும் இந்தியா கொடுத்த துணிச்சலுமாக, 'இனி, என்னைக் கேட்க யார் இருக்கிறார்கள்?’ என்று தறிகெட்டு ஆடிக்கொண்டிருக்கிறது இலங்கை அரசு. [
எமது சொந்தக் காணிக்கு செல்வதற்கு நாம் அனுமதிக்கப்படவில்லை. தூரத்தில் நின்று பார்க்கும் போது சிங்களத்தில் எழுதப்பட்ட பெயர்ப் பலகை ஒன்று எமது காணியின் முன்னால் தொங்கவிடப்பட்டுள்ளதை பார்க்க முடிகிறது. [
சிறிலங்காவில் தற்போது நிலவும் பல்வேறு சட்டங்கள் மற்றும் நடைமுறைகள் மூலம் தற்போதும் விசாரணையின்றி தடுத்து வைக்கும் நிலை தொடர்கிறது. பல ஆயிரக்கணக்கான மக்கள் எந்தவொரு விசாரணைகளோ அல்லது வழக்குகளோ இன்றி தொடர்ந்தும் தடுத்து வைக்கப்பட்டுள்ளனர். [
குறிப்பாக முஸ்லீம்கள் பெரும்பான்மையாக வாழும் கிழக்கு மாகாணத்திலேனும் முஸ்லீம்களுக்கான தனித்துவமான அரசியற் சக்தி ஒன்று இல்லாததை இத் தேர்தல் பெறுபேறு வெளிப்படுத்துகிறது. [
மேற்குலக நாடுகளில் சிறிலங்கா அரசாங்கத்தின் மனித உரிமை மீறல்கள் மிக மோசமான விமர்சனத்துக்கு உள்ளாகியுள்ள நிலையில், இந்தியாவுடன் உறுதியான நட்பை பேணுவதாக காண்பிப்பதுடன், இந்திய அரசாங்கமானது தனக்கு ஆதரவாக இருப்பதாக அதிபர் ராஜபக்ச உலகுக்கு காட்ட முனைகிறார். [
எதிர்காலத்தில், 1958 மற்றும் 1983ல் இடம்பெற்றது போன்று சிறுபான்மை சமூகத்தவர்களுக்கு எதிராக பெரும்பான்மை சமூகத்தவர்களால் பல்வேறு வன்முறைகள் கட்டவிழ்த்து விடப்படலாம். தற்போதைய 'உருவப்பொம்மை' பின்னர் உண்மையான 'எதிரிகளாக' மாற்றமுறலாம். [
தெற்காசியாவில் சீனாவின் பொருளாதார மற்றும் இராஜதந்திர நடவடிக்கைகள் வெளிப்படையாக அதிகரித்து வருவதால் குழப்பமடைந்துள்ள இந்தியா, அதனை முறியடிப்பது குறித்துக் கலந்துரையாடுவதற்கு அயல் நாடுகளில் உள்ள தனது தூதுவர்களை புதுடெல்லிக்கு அழைத்துள்ளது. [
